చికెన్ పాప్ కార్న్ / Chicken Pop Corn

హాయ్ ఫ్రెండ్స్,
అందరికీ నమస్కారం.

మనం చాలా రకాల పాప్ కార్న్ లు రెడీ చేసుకుంటూ ఉంటాం . కాలిఫ్లవర్ ,పనీర్  పాప్ కార్న్ లు చేసుకుంటాము. కాని ఈరోజు చికెన్ తో వెరైటీగా పాప్ కార్న్ తయారు చేసుకుందాం.చాలా రుచిగా ఉంటుంది. చికెన్ తినని పిల్లలకు పాప్ కార్న్ లా ఇస్తే చాలా ఇష్టపడతారు ..తప్పకుండా ప్రయత్నించండి....

కావలసిన పదార్థాలు:-

చికెన్ అర కిలో (బోన్ లెస్)

మొక్కజొన్న పిండి - ఒకటిన్నర కప్పు 

బ్రెడ్ పౌడర్ - అర కప్పు 

కారం - 1 టేబుల్ స్పూన్

నీళ్లు - కొద్దిగా,

ఉప్పు - తగినంత

సోయాసాస్ 

మిరియాల పొడి,

మైదా పిండి టేబుల్ స్పూన్ చొప్పున

గుడ్డు - ఒకటి 

నూనె - డీప్ ఫ్రైకి సరిపడా

తయారు చేసే విధానం:-

• ముందుగా చికెన్ తీసుకోని శుభ్రంగా కడిగి పలుచగా కట్ చేసి  పెట్టుకోవాలి. ఒక చిన్న బౌల్ లో  తీసుకోని  అందులో అరకప్పు  మొక్కజొన్న పిండి వేసుకుని.. కొద్దిగా నీళ్లు పోసుకుని కలిపి పక్కన  పెట్టుకోవాలి. 
• ఇప్పుడు  అందులో చికెన్ ముక్కలు వేసుకుని ఇదు నిమిషాల పాటు నానబెట్టుకోవాలి.
• ఇప్పుడు ఒక పెద్ద బౌల్ లోకి  చికెన్ ముక్కలు మాత్రమే తీసుకుని అందులో సోయాసాస్, మిరియాల పొడి, మైదా పిండి, గుడ్డు, కొద్దిగా ఉప్పు వేసుకుని అంతా కలిసేలా  బాగా కలిపి  పక్కన పెట్టుకోవాలి.
• ఇప్పుడు ఒక ప్లేట్ తీసుకుని  అందులో ఒక  కప్పు మొక్కజొన్న పిండి, కారం, కొద్దిగా ఉప్పు ,కొద్దిగా నీళ్ళు  వేసుకుని బాగా కలిపి చికెన్ ముక్కలను అందులో వేసి పెట్టుకోవాలి.
• స్టవ్ వెలిగించి కడాయిలో నునే పోసి కాగనివ్వాలి.కాగుతున్న నూనెలో వేసుకుని దోరగా వేయించుకోవాలి.
• వీటిని సాస్ తో సర్వ్ చేసుకుంటే భలే రుచిగా ఉంటాయి.తప్పకుండ ట్రై చేయండి.

తప్పకుండా ప్రయత్నించండి మరియు నచ్చితే దయచేసి ఫాలో అవ్వండి. ఇంకా షేర్ చేయండి.

Also read: యాపిల్ మిల్క్ షేక్ / Apple Milk Shake