చేపల పులుసు / fish curry

హాయ్ ఫ్రెండ్స్,
ఈరోజు మనం టేస్టీ గా చేపల పులుసు ఎలా చేయాలో చూద్దాం.

చేపల పులుసు

చేపల పులుసు అంటే అందరికీ చాలా ఇష్టం.చేపలలో విటమిన్ ఏ ఎక్కువగా ఉంటాయి.చేపలు ఆరోగ్యానికి కూడా చాలా మంచిది చాలా తొందరగా ఉడికిపోతుంది. చేపలతో ఫ్రై ,పులుసు,బిర్యానీ ఇలా చాలా రకాల చేసుకోవచ్చు.

కావలసిన పదార్థాలు:-

చేపలు 

నూనె 

జీలకర్ర 

మెంతులు 

కరివేపాకు 

చింతపండు రసం 

ధనియాలపొడి 

గరంమసాలా 

అల్లం వెల్లుల్లి పేస్ట్ 

కారం 

ఉప్పు

కొత్తిమీర 

జీలకర్ర పొడి

తయారు చేసే విధానం:-

• ముందుగా చేపలు తీసుకొని వాటిని శుభ్రంగా కడిగి మనకు కావలసిన సైజులో ముక్కలు కట్ చేసి పెట్టుకోవాలి.

• ఇప్పుడు చేపలలో ఉప్పు పసుపు వేసి కడుక్కోవాలి.

• స్టవ్ వెలిగించి ఉల్లిపాయ ని ఒక పెద్ద నీడిల్ నీడిల్ కి గుచ్చి గుచ్చి స్టవ్ పైన కాల్చుకోవాలి.

• అర కేజీ చేప కు రెండు పెద్ద సైజు ఉల్లిపాయలు తీసుకోవాలి.

• చింతపండు నానబెట్టి రసం తీసి పెట్టుకోవాలి. వెలిగించి కడాయి పెట్టుకుని జిలకర, మెంతులు, ధనియాలు, గరంమసాలా అన్నీ వేరువేరుగా ఫ్రై చేసి వేరు వేరుగా పొడిచేసి పెట్టుకోవాలి.

• కాల్చిన ఉల్లిపాయను పైన పొట్టు తీసి మిక్సీలో వేసి మెత్తగా పేస్ట్ చేసుకుని పక్కన పెట్టుకోవాలి.

• ఇప్పుడు స్టవ్ వెలిగించి ఒక గిన్నె పెట్టుకుని కావలసినంత నూనె పోసి జీలకర్ర, పోపుగింజలు వేసుకోవాలి.

• ఇప్పుడు పేస్ట్ చేసి పెట్టుకొన్న ఉల్లిపాయలు వేసి ఫ్రై చేసుకోవాలి. అయిన తర్వాత అల్లం వెల్లుల్లి పేస్టు పసుపు వేసుకోవాలి.

• ఒక రెండు నిమిషాలు తర్వాత చింతపండు గుజ్జుపోసి తగినంత కారం,ఉప్పు వేసి బాగా కలిపి మూత పెట్టి మరిగించాలి.

• చింతపండు రసం మరుగుతున్నప్పుడు అందులో జీలకర్రపొడి, మెంతిపొడి, ధనియాలపొడి, గరంమసాలా అన్ని వేసుకొని బాగా కలుపుకోవాలి.

• ఇప్పుడు కట్ చేసి కడిగి పెట్టుకొన్న చేపముక్కలను వేసి మూత పెట్టి 10 నిమిషాలు ఉడికించుకోవాలి .అంతే చేపలు ఉడికిపోతాయి.

• చివరగా స్టవ్ ఆఫ్ చేసేటప్పుడు కొత్తిమీర వేసుకుని దించుకోవాలి.

• అంతే రుచికరమైన చేపల పులుసు రెడీ.

తప్పకుండా ప్రయత్నించండి మరియు లైక్ చెయ్యండి. నచ్చితే ఫాలో అవ్వండి.

Also read: సొరకాయ హల్వా / sorakaya halwa