పొటాటో అటుకుల రోల్స్ / potato poha rolls

హాయ్ ఫ్రెండ్స్,
అందరికి నమస్కారం.
ఈరోజు రుచికరమైన పొటాటో అటుకుల రోల్స్ తయారు చేసే పద్దతి నేర్చుకుందాం.

పొటాటో అటుకుల రోల్స్:-

రోల్స్ ఇది ఒక స్నాక్ రెసిపీ. ఎక్కువగా మనం పొటాటో కాంబినేషన్లో రోల్స్ చేసుకుంటాం. పొటాటో రోల్స్, బ్రెడ్ రోల్స్, పన్నీర్ రోల్, చీస్ రోల్స్ ఎలా చాలా.ఈరోజు పొటాటో అటుకుల రోల్స్ చేసుకుందాం.ఎలా చేయాలో చూసేద్దామా...

కావలసిన పదార్థాలు:-

అటుకులు 2 కప్పులు

కోడి గుడ్డు 2

బంగాళాదుంపలు రెండు

పచ్చిమిర్చ కొద్దిగా

పల్లీలు (వేయించినవి)2 టేబుల్ స్పూన్లు, 

అంచూర్ పొడి చిటికెడు

గరంమసాలా కొద్దిగా 

కారం తగినంత

బ్రెడ్ పొడి సగం కప్పు

ఉప్పు రుచికి సరిపడా

సూనె వేయించడానికి సరిపడా

కొత్తిమీర తురుము: కొద్దిగా

తయారు చేసే విధానం:-

• బంగాళాదుంపలు ఉడికించి పొట్టు తీసి మెత్తగా చేసి పక్కన పెట్టుకోవాలి.

• అటుకుల్ని  బాగా కడిగి చిల్లుల ప్లేటులో వేసి నీళ్లు పోయె వరకు ఉంచాలి.

• పల్లీలు ఫ్రై చేసి మెత్తగా పొడి చేయాలి.

• కొత్తిమీర, పచ్చిమిర్చి సన్నగా కట్ చేసి పెట్టుకోవాలి.

• కోడిగుడ్డు  పగల కొట్టి తెల్ల సొనను బాగా గిలకొట్టాలి.

• ఇప్పుడు నానబెట్టిన అటుకుల్ని మెత్తగా మెదపాలి. అందులోనే చిదిమిన బంగాళాదుంపల ముద్ద, పల్లీల పొడి, అంచూరు పొడి,తరిగిన కొత్తిమీర, పచ్చిమిర్చి తురుము. సరిపడా ఉప్పు ,కారం వేసి కలపాలి.

• ఈ మిశ్రమాన్ని చిన్న ఉండలుగా  తీసుకొని అర చేతిలో వేసుకొని రోల్ చేసి రోల్స్ తయారు చేయాలి. 

• ఈ రోలు కోడిగుడ్డు సొనలో ముంచి  బ్రెడ్ పొడిలో

• దొర్లించాలి. 

• ఇప్పుడు వీటిని కాగిన నూనెలో వేసి ఎర్రగా అయ్యే వరకు ఫ్రై చేసుకోవాలి.

• అంతే రుచికరమైన క్రంచి పొటాటో అటుకుల రోల్స్ రెడీ.

తప్పకుండా ప్రయత్నించండి మరియు లైక్ చెయ్యండి. నచ్చితే ఫాలో అవ్వండి.

Also read: రుచికరమైన వెల్లుల్లి కారం పొడి / spicy garlic chilli powder