ఆలూ పాలక్ గ్రేవీ కర్రీ / Aloo Palak gravy curry

హాయ్ ఫ్రెండ్స్,
అందరికీ నమస్కారం.
ఈరోజు మనం ఆలూ పాలక్ కర్రీ తయారు చేసే పద్ధతి నేర్చుకుందాం.

ఆలూ పాలక్ కర్రీ:-

మనం ఆలూ తో చాలా రకాల వంటలు తయారు చేసుకోవచ్చు. అలాగే ఆలూ ను చాలా కూరగాయలతో పాటు కలిపి వండుకోవచ్చు. ఆలూ పాలక్ ఫ్రై ఎలా చేయాలో చూశాం. ఇప్పుడు గ్రేవీ ఎలా చేయాలో చూద్దాం..

కావలసిన పదార్థాలు:-

ఆలూ

పాలకూర

ఉల్లిపాయలు

కొత్తిమిర

గరం మసాల

ధనియాల పొడి

ఉప్పు

కారం

పసుపు

అల్లం వెల్లుల్లి పేస్ట్

నువ్వులు పావు కప్పు పేస్ట్

తయారు చేసే విధానం:-

• ముందుగా ఆలు గడ్డ కడిగి ముక్కలు చేసి అందులో కొద్దిగా ఉప్పు తగినన్ని నీళ్లు పోసి ఉడకించుకోవాలి.

• పాలకూర కడిగి వేడి నీళ్లలో వేసి ఒక ఐదు నిమిషాలు అలా ఉంచి మిక్సి లో వేసి పేస్ట్ చేసి పెట్టుకోవాలి.

• ఇప్పుడు స్టౌ వెలిగించి పాన్ లో నూనె పోసి కాగాక అందులో జీలకర్ర, ఉల్లిపాయ ముక్కలు వేసి బాగా ఫ్రై చేసుకోవాలి.

• ఉల్లిపాయ ముక్కలు ఫ్రై అయిన తర్వాత అల్లం వెల్లుల్లి పేస్ట్, పసుపు వేసి ఫ్రై చేయాలి.

• రెండు నిమిషాల తర్వాత అందులో ఉడికించిన ఆలు, ఉప్పు, కారం తగినంత, గరం మసాలా, ధనియాల పొడి వేసి బాగా కలపాలి.

• కొంచెం ఫ్రై అయిన తర్వాత నువ్వుల పేస్ట్ వేసి కొద్దిగా నీళ్ళు పోసి బాగా కలపాలి.

• దీన్ని ఒక ఐదు నిమిషాలు మూత పెట్టీ ఉడికించాలి.

• ఆ తర్వాత అందులో పేస్ట్ చేసి పెట్టుకున్న పాలకూర వేసి ఒక ఐదు నిమిషాలు ఉడికంచి స్టౌ ఆఫ్ చేయాలి.

• చివరగా కొత్తిమీర వేసుకోవాలి.

• అంతే రుచికరమైన ఆలూ పాలక్ గ్రేవీ కర్రీ రెడీ.

తప్పకుండా ప్రయత్నించండి మరియు లైక్ చెయ్యండి. నచ్చితే ఫాలో అవ్వండి.

Also read: బెండకాయ 65 / lady's finger 65