బియ్యం పిండి తో గిన్నె అప్ప (సర్వ పిండి)

హాయ్ ఫ్రెండ్స్,

ఈరోజు మనం టేస్టీ గా బియ్యం పిండి తో గిన్నె అప్ప (సర్వ పిండి)ఎలా చేయాలో చూద్దాం.

సర్వ పిండి:-

ఇది చాలా పాత వంటకం. ఇది మన అమ్మమ్మ, నానమ్మ కాలం నాటి వంటకం. ఒకప్పటి స్నాక్ రెసిపీ. ఇప్పుడు మనం ఎలా చేయాలో చూద్దాం. చాలా రుచిగా ఉంటుంది.

కావలసిన పదార్థాలు:-

బియ్యం పిండి

కారం తగినంత

ఉప్పు తగినంత

నూనె సరిపడా

నీళ్లు తగినన్ని

కరేపాకు

జీలకర్ర

నువ్వులు

వేయించిన పల్లీలు

ఉల్లిపాయ ముక్కలు

పచ్చిమిర్చి

అల్లం తరుగు లేదా అల్లం వెల్లుల్లి పేస్ట్

కొత్తిమీర

నానపెట్టిన సెనగపప్పు

తయారు చేసే విధానం:-

• సర్వ పిండి చేసుకోవడానికి ఒక గిన్నె తీసుకొని అందులో రెండు కప్పుల బియ్యం పిండి వేసుకోవాలి.
• ఇప్పుడు అందులో పావు స్పూన్ జీలకర్ర, కొద్దిగా కట్ చేసి పెట్టుకొన్న కరేపాకు, కొత్తిమీర, సగం స్పూన్ కారం, తగినంత ఉప్పు వేసి కలపాలి.
• కలిపిన తరువాత అందులో వేయించిన పల్లీలు కచ్చా పచ్చగా చేసుకొనీ వేసుకోవాలి.అలాగే నానపెట్టిన సెనగపప్పు వేసుకోవాలి.
• ఇప్పుడు ఒక స్పూన్ నువ్వులు వేయించి వేసుకోవాలి.
• ఒక స్పూన్ పచ్చిమిర్చి తరుగు, ఒక స్పూన్ అల్లం వెల్లుల్లి పేస్ట్, పసుపు వేసుకోవాలి.
• సన్నగా తరిగిన ఉల్లిపాయ ముక్కలు వేసుకోవాలి.
• ఇప్పుడు తగినన్ని నీళ్ళు పోసుకొని పిండి నీ మంచిగా కలుపుకోవాలి.
• చపాతీ పిండిలా కలుపుకోవాలి. మరీ మెత్తగా కాకుండా మరీ గట్టిగా కాకుండా కలుపుకోవాలి.
• కలిపిన పిండిని పక్కన పెట్టుకోవాలి.
• సర్వ పిండి చేసుకోవడానికి గిన్నె తీసుకొవాలి. మనం అన్నం వండుకునే గిన్నె ఐతే అడుగు లో మాత్రమే పెట్టుకోవాలి.
• సైడ్ పెట్టుకుంటే తొందరగా కాలదు. కాబట్టి అడుగున పెట్టుకోవాలి.
• లేకపోతే కడాయిలో ఐన పెట్టుకోవచ్చు.
• గిన్నె తీసుకొని అందులో అడుగున నూనె వేసి పిండి ముద్ద తీసుకొని చేతితో మనకు కావలసినంత పలుచగా పరుచుకోవాలి.
• సర్వ పిండి కొంచెం మందం ఉంటే బాగుంటుంది.
• ఇప్పుడు పై నుండి నూనె వేసి పక్కన పెట్టుకోవాలి.
• ఇప్పుడు స్టౌవ్ వెలిగించి గిన్నె స్టౌ మీద పెట్టీ బాగా కాల్చుకోవాలి.
• వీలైతే రెండో వైపు తిప్పి కాల్చుకోవాలి.
• అంతే రుచికరమైన వంటకం స్నాక్ సర్వ పిండి రెడీ.

తప్పకుండా ప్రయత్నించండి మరియు లైక్ చెయ్యండి. నచ్చితే ఫాలో అవ్వండి.

Also read: మటన్ లాంటి మిల్మెకర్ కీమా