సెనగపప్పు ఆలూ వడ (పొటాటో చెన దాల్ వడ)/potato chana daal vada

హాయ్ ఫ్రెండ్స్,
అందరికీ నమస్కారం.

సెనగపప్పు ఆలూ వడ:-

వడ అంటే ఎప్పుడు మనం మినపప్పు తో చేస్తూ ఉంటాం. ఈరోజు మనం వెరైటీగా సెనగపప్పు ఆలూ వడ తయారు చేసే విధానం నేర్చుకుందాం.వడలు చాలా చాలా రుచిగా ఉంటాయి. చేయడం కూడా చాలా ఈజీ.

కావలసిన పదార్ధాలు:-

 

పొటాటో పావుకేజీ 

శనగపప్పు పావు కేజీ 

పసుపు చిటికెడు 

ఉప్పు తగినంత 

చిన్న అల్లం ముక్క 

నూనె తగినంత 

కొద్దిగా పుదీనా 

పచ్చిమిర్చి కొద్దిగా 

కొత్తిమీర 

కరేపాకు 

ధనియాల పొడి

వాము 

జీలకర్ర

 

తయారు చేసే విధానం :-

• శనగపప్పు తీసుకొని కడిగి 3 గంటల సేపు నానబెట్టుకోవాలి.
• బంగాళదుంపలు చిన్న చిన్న ముక్కలుగా కోసి నీటిలో వేసి ఉడికించుకోవాలి.
• ఉడికిన బంగాళాదుంపను చేతితో మెత్తగా చిదుముకోనీ పక్కన పెట్టుకోవాలి.
• ఇప్పుడు నానబెట్టుకున్న శనగపప్పును నీళ్ళు మొత్తం తీసి మిక్సీలో వేసి అందులో పచ్చిమిర్చి,అల్లం,ఉప్పు, కర్వేపాకు వేసి మెత్తగా రుబ్బుకోవాలి.
• సగం పప్పును మెత్తగా రుబ్బుకోవాలి. మిగతా సగం పెట్టుకుని బరకగా రుబ్బుకోవాలి.
• ఒక గిన్నెలోకి రుబ్బిన సెనగపప్పు, బంగాళదుంప    ముద్దను కూడా వేసి రెండింటిని బాగా కలుపుకోవాలి.
• అందులో కొత్తిమీర,పుదీనా, పసుపు చిటికెడు ధనియాల పొడి, వాము, జీలకర్ర వేసి గారెల పిండిలా కొంచెం గట్టిగా కలుపుకోవాలి.
• స్టవ్ వెలిగించి కడాయి పెట్టుకుని అందులో డీప్ ఫ్రై కి నూనె పోసి వేడి చేసుకోవాలి.
• నూనె వేడి అయిన తర్వాత గారెల పిండిని కొద్ది కొద్దిగా తీసుకొని చిన్న చిన్న ఉండలుగా చేసుకుని నూనెలో వేసి గోల్డ్ కలర్ వచ్చేంత వరకూ ఫ్రై చేసుకోవాలి.
• స్వీట్ సాస్తో కాని చట్నీతో గానీ అల్లం చట్నీ టమాటా చట్నీ కానీ నీతో తీసుకున్నా కూడా కరకరలాడుతూ రుచిగా ఉంటాయి.
• అంతే రుచికరమైన పొటాటో వడ రెడీ.

తప్పకుండా ప్రయత్నించండి. నచ్చితే ఫాలో అవ్వండి.

Also read: రొయ్యల వేపుడు / prawns fry