చపాతీ వెజ్ రోల్స్ / chapathi veg rolls

హాయ్ ఫ్రెండ్స్,
అందరికీ నమస్కారం.

రొటీన్ గా మనం చపాతీలు చేసుకుంటాము. కాని ఈరోజు చపాతీ తో వెరైటీగా చపాతీ వెజ్ రోల్స్ తయారు చేసుకుందాం.చాలా రుచిగా ఉంటుంది. తప్పకుండా ప్రయత్నించండి....

కావలసిన పదార్థాలు:-

చపా తీ పిండి

క్యాప్సికమ్ సగం కప్పు

టమాటోలు సగం కప్పు

బంగాళదుంపలు ఒక కప్పు

పచ్చి బటానీలు సగం కప్పు

ఉల్లిపాయ ఒకటి

పచ్చిమిర్చి నాలుగు

మిరియాల పొడి కొద్దిగా

జీలకర్ర పొడి సగం  స్పూన్

పసుపు - అర టీ స్పూన్

టమాటో కెచప్ - ఒక స్పూన్

ఉప్పు - సరిపడా

నూనె - తగినంత

చిటికెడు కారం

తయారు చేసే విధానం:-

• ముందుగా చపాతీ పిండి కలుపుకొని పక్కన పెట్టుకోవాలి.
• కావలసిన కూరగాయలను కావలిసిన విధంగా కట్ చేసి పెట్టుకోవాలి.
• అందులో ఆలు గడ్డ, బటానీలు ఉడికించి పక్కన పెట్టుకోవాలి.
• అన్ని వెజిటబుల్స్ సన్నగా పొడవుగా కట్ చేసుకుంటే వెజ్ రోల్స్ కి బాగుంటాయి.
• కళాయిలో నూనె వేసి వేడెక్కాక తరిగిన పచ్చిమిర్చి, ఉల్లిపాయ ముక్కలు వేసి వేయించుకోవాలి.
• తర్వాత క్యాప్సికమ్, టమాటోలను సన్నగా తరిగి వాటిని కూడా వేయించాలి. 
• తర్వాత బంగాళదుంప ముక్కలు, బటానీలు వేసుకుని మంచిగా ఫ్రై చేసుకోవాలి. 
• చివరగా దించడానికి కొన్ని నిమిషాల ముందు జీలకర్ర పొడి,ఉప్పు, టమాటా కెచప్ వేసి ఉడికించాలి.
• అనంతరం చపాతీలను పెనంపై ఇరువైపులా కాల్చి.. కర్రీ వేడిగా ఉన్నప్పుడే చపాతీపై ఒకవైపు వేసుకుని రోల్స్ చేసుకుని సర్వ్ చేసుకోవాలి.
• అంతే రుచికరమైన చపాతీ వెజ్ రోల్స్ రెఢీ.

తప్పకుండా ప్రయత్నించండి మరియు నచ్చితే దయచేసి ఫాలో అవ్వండి. ఇంకా షేర్ చేయండి.

Also read: పెసరపప్పు పూర్ణాలు/moong dal sweet