ఆలూ టొమాటో క్యాప్సికమ్ మసాలా

హాయ్ ఫ్రెండ్స్,

ఈరోజు మనం టేస్టీ గా హోటల్ స్టైల్ లో ఆలూ టొమాటో క్యాప్సికమ్ మసాలాలా చేయాలో చూద్దాం.

కావలసిన పదార్ధాలు:-

ఆలూ

టొమాటో

క్యాప్సికమ్

నూనె

జీలకర్ర 

ఎండుమిర్చి 

కరివేపాకు 

ఉల్లిపాయ ముక్కలు

అల్లం వెల్లుల్లి పేస్ట్ 

పసుపు చిటికెడు 

ఉప్పు తగినంత 

కారం తగినంత 

నువ్వులు 

ఎండుకొబ్బరి 

పల్లీలు

ధనియాల పొడి

కొత్తిమీర

గరం మసాల

తయారు చేసే విధానం:-

• ముందుగా అన్ని కూరగాయలు కడిగి ముక్కలుగా కట్ చేసి పెట్టుకోవాలి. ఆలూ ఉడికించి పెట్టుకోవాలి.
• స్టౌ వెలిగించి పాన్ లో నువ్వులు, పల్లీలు, ఎండు కొబ్బరి వేసి ఫ్రై చేసుకోవాలి.
• ఇప్పుడు పల్లీలు, నువ్వులు, ఎండు కొబ్బరి, కారం, ఉప్పు అన్ని మిక్సి లో వేసి మెత్తగా పేస్ట్ చేసుకోవాలి.
• ఇప్పుడు స్టౌవ్ మీద కడాయి పెట్టుకుని అందులో నూనె వేసి వేడయ్యాక అందులో జీలకర్ర ఎండు మిర్చి ఉల్లిపాయ ముక్కలను వేసి గోల్డ్ కలర్ వచ్చేంత వరకు ఫ్రై చేసుకోవాలి.
• ఫ్రై అయిన తర్వాత అందులో టొమాటో ముక్కలు వేసి మెత్తగా మాగ్గే వరకు ఫ్రై చేసుకోవాలి.
• ఇప్పుడు అందులో అల్లం వెల్లుల్లి పేస్ట్, పసుపు వేసి కలిపి అందులో క్యాప్సికమ్ ముక్కలు, ఆలూ వేసి బాగా ఫ్రై చేసుకోవాలి.
• ఫ్రై అయిన తర్వాత అందులో తయారు చేసి పెట్టుకొన్న పేస్ట్ వేసి కొద్దిగా నీళ్లు పోసి బాగా కలిపి మూత పెట్టీ నూనె పైకి తేలే వరకు చిన్న మంట మీద ఉడికించాలి.
• చివరగా కొత్తిమీర, ధనియాల పొడి, గరం మసాలా వేసి బాగా కలిపి దించేయాలి.
• అంతే రుచికరమైన ఆలూ టొమాటో క్యాప్సికమ్ మసాలా రెడీ.

తప్పకుండా ప్రయత్నించండి మరియు లైక్ చెయ్యండి. నచ్చితే ఫాలో అవ్వండి.

Also read: మటన్ డ్రై ఫ్రై