హోటల్ స్టైల్ క్రిస్పీ దోస

హాయ్ ఫ్రెండ్స్,

ఈరోజు వెరైటీ గా హోటల్ స్టైల్ క్రిస్పీ దోస తయారు చేసుకుందాం.

కావలసిన పదార్థాలు:-

బియ్యం రెండు కప్పులు 

మినప్పప్పు ఒక కప్పు 

ఉప్మా రవ్వ సగం కప్పు 

శనగపప్పు రెండు స్పూన్లు 

మెంతులు సగం స్పూన్

కావాలనుకునేవారు అటుకులు,సగ్గుబియ్యం కూడా వేసుకోవచ్చు.

తయారు చేసే విధానం:-

• బియ్యం ,మినప్పప్పు , శెనగ పప్పు, మెంతులు బాగా కడిగి ఆరు గంటలు నానబెట్టుకోవాలి.
• ఉప్మా రవ్వ కూడా నానపెట్టుకోవాలి.
• బియ్యం ,మినప్పప్పు ,శనగపప్పు, మెంతులు ఇవన్నీ నానిన తరువాత మిక్సీలో వేసి మెత్తగా రుబ్బుకోవాలి.
• ఉప్మా రవ్వ ను కూడా మిక్సీలో వేసి ఒక్కసారి తిప్పుకుంటే సరిపోతుంది.
• ఇప్పుడు అన్ని ఒక గిన్నెలో తీసుకొని బాగా కలిపి మూతపెట్టి కనీసం నాలుగు గంటలు పక్కన పెట్టుకోవాలి.
• నాలుగు గంటల తర్వాత దోసెలు వేసుకునేటప్పుడు అందులో కొద్దిగా ఉప్పు వేసుకుని కలుపుకొని నాన్ స్టిక్ పాన్ పైన దోసెలు వేసుకుని ఎర్రగా కాల్చుకోవాలి.
• పల్లి చట్నీ గాని టమోటో చట్నీ గాని చాలా బాగుంటుంది.
• అంతే హోటల్ స్టైల్ క్రిస్పీ దోశలు రెడీ.
• తప్పకుండా ప్రయత్నించండి. మీకు నచ్చితే లైక్ చేయండి. ఫాలో అవ్వండి