పొట్లకాయ ఎండుకొబ్బరి కుర్మా/ potlakaya kurma

హయ్ ఫ్రెండ్స్,
అందరికి నమస్కారం.
ఈరోజు మనం పొట్లకాయ ఎండుకొబ్బరి కుర్మా తయారు చేసే పద్ధతి నేర్చుకుందాం...

కావలసిన పదార్థాలు :-

పొట్లకాయలు

ఉల్లిపాయలు

పచ్చిమిర్చి

టమోటో (పేస్ట్)

నూనె

పోపు దినుసులు

వెల్లుల్లి (5,6)

పసుపు

ఎండుమిర్చి

ఎండుకొబ్బరి పేస్ట్

కారం

ఉప్పు

కొత్తిమీర

తయారు చేసే విధానం :-

• ముందుగా పొట్లకాయలను కడిగి గుండ్రంగా రింగులలాగా కట్ చేసి పెట్టుకోవాలి.
• ఎండుకొబ్బరి ముక్కలు చేసి వాటిని కూడా పేస్ట్ చేసి పెట్టుకోవాలి.
• ఇప్ప్పుడు స్టవ్ వెలిగించి స్టవ్ మీద గిన్నె పెట్టాలి.కొంచెం వేడయ్యాక అందులో తగినంత నూనె పోయాలి.
• నూనె కొంచెం వేడయ్యాక పోపు దినుసులు ,ఎండుమిర్చి, వెల్లులి, పసుపు, ఉల్లిపాయలు వేసి బాగా వేయించుకోవాలి.
• ఉల్లిపాయలను బంగారు రంగు వచ్చే వరకు వేయించాలి. ఉల్లిపాయలు వేగిన తర్వాత పొట్లకాయ ముక్కలను వేసి బాగా కలపాలి.
• సన్నని మంట మీద కాసేపు మగ్గనివ్వాలి.ఆ తర్వాత కారం ,ఉప్పు తగినంత వేసుకోవాలి.
• ఇప్పుడు బాగా కలుపుకోవాలి.రెండు నిమిషాల తర్వాత టమోటో పేస్ట్ వేసి కాసేపు ఉడికించాలి.
• ఉడికిన తరువాత తయారు చేసుకున్న ఎండుకొబ్బరి పేస్ట్ వేసి బాగా కలుపుకోవాలి అవసరమైతే కొద్దిగా నీళ్లు వేసుకొని ఒక 10 నిముషాలు ఉడికించాలి.
• చివరగా కొత్తిమీర వేసి స్టవ్ ఆఫ్ చేసుకోవాలి.
• అంతే పొట్లకాయ కుర్మా రెడి.
• ఇది అన్నంలోకి కానీ చపాతీలోకి కానీ చాల రుచిగా ఉంటుంది.

తప్పకుండా ప్రయత్నించండి. మరియు లైక్ చెయ్యండి. నచ్చితే ఫాలో అవ్వండి.

Also read: వెజిటబుల్ కిచిడి (Vegetable Khichidi)