పండుమిర్చి పచ్చడి/ pandu mirchi pachadi

హయ్ ఫ్రెండ్స్,
అందరికి నమస్కారం....

ఈరోజు మనం పండు మిరపకాయల తో పండు మిర్చీ పచ్చడి తయారు చేసుకుందాం..ఈ సీజన్లో పండు మిరపకాయలు బాగా దొరుకుతాయి. కాబట్టి పండు మిర్చీ తో కావలసినన్ని వెరైటీలు చేసుకోవచ్చు..

కావలసిన పదార్థాలు:-

పండు మిరపకాయలు- ఇరవై

జీలకర్ర- రెండుటీస్పూన్లు

వెల్లుల్లి రెబ్బలు- నాలుగు

ఉల్లిపాయ-ఒకటి 

చింతపండు- కొద్దిగా

ఉప్పు- తగినంత

నూనె- ఒక నాలుగు స్పూన్లు

కరివేపాకు- రెండు రెమ్మలు

మినపప్పు

సెనగపప్పు

ఆవాలు

ఎండుమిర్చి

ఇంగువ

తయారు చేసే విధానం:-

• ఒక టీస్పూన్ జీలకర్రను వేగించి పక్కన పెట్టుకోవాలి. చింతపండు కొద్దిగా నీళ్ళు పోసుకుని నానపెట్టి పక్కన పెట్టుకోవాలి.
• ఉల్లిపాయలు సన్నగా తరగాలి. వెల్లుల్లి రెబ్బలను కట్ చేసుకోవాలి.
• స్టవ్ పై పాన్ పెట్టి కొద్దిగా నూనె వేసి కాస్త వేడి అయ్యాక ఉల్లిపాయలు, వెల్లుల్లి రెబ్బలు, మిరపకాయలు వేసి వేగించాలి.
• మిరపకాయలు వేగిన తరువాత స్టవ్ పై నుంచి దింపి చల్లారనివ్వాలి.
• తరువాత చింతపండు, తగినంత ఉప్పు జోడించి మిక్సీలో వేసి మెత్తని పేస్టులా గ్రైండ్ చేసుకోవాలి.
• స్టవ్ పై మరో పాన్ పెట్టి కొద్దిగా నూనె వేసి జీలకర్ర, ఆవాలు, మినప్పప్పు, సెనగపప్పు, ఎండుమిర్చి, ఇంగువ, కరివేపాకు వేయాలి.
• అవి వేగిన తరువాత సిద్ధంగా ఉన్న ఎండు మిరపకాయల పేస్ట్ వేసి కాసేపు ఉడికించాలి. కొద్దిగా నూనె పైకి తేలే వరకు ఉడికించి దించేయాలి.
• అంతే రుచికరమైన పండు మిర్చీ పచ్చడి రెడీ.ఈ కారంను దోశపై రాస్తే రుచిగా ఉంటుంది.
• ఫ్రిజ్ లో పెట్టుకుంటే ఈ కారం వారం రోజులు నిల్వ ఉంటుంది.

తప్పకుండా ప్రయత్నించండి మరియు నచ్చితే దయచేసి ఫాలో అవ్వండి. ఇంకా షేర్ చేయండి.

Also read: హెల్త్ టిప్స్ / health tips