టొమాటో పులిహోర/ టొమాటో రైస్ /tomato rice

హాయ్ ఫ్రెండ్స్,
అందరికీ నమస్కారం.

రొటీన్ గా మనం అన్ని రకాల రైస్ వెరైటిలు చేసుకుంటాము. కాని ఈరోజు మనం టమాటో తో వెరైటీగా టమాటో రైస్ / టమాటో పులిహోర తయారు చేసుకుందాం. ఎక్కువ కూరగాయలు ఇంట్లో లేనప్పుడు ఇది చేసుకోవచ్చు. చాలా రుచిగా ఉంటుంది. తప్పకుండా ప్రయత్నించండి.... 

 కావలసిన పదార్థాలు:-

బియ్యం : పావుకిలో

టొమాటోలు: పావుకిలో

చింతపండు గుజ్జు: టేబుల్‌ స్పూను

పచ్చిమిర్చి : ఆరు,

ఇంటువ : చిటికెడు

వేరు సెనగ పప్పు :3 టేబుల్ స్పూన్లు

సెనగపప్పు : 2టేబుల్ స్పూన్లు

మినపప్పు : 2 టేబుల్ స్పూన్లు

ఉప్పు : తగినంత

ఎండుమిర్చి :నాలుగు

ఆవాలు : టీస్పూను,

నూనె : 100 మి.లీ.

కరివేపాకు: నాలుగు రెబ్బలు

పసుపు : టీస్పూను.

తయారు చేసే విదానం :-

• టొమాటాలు, పచ్చిమిర్చి ముక్కలుగా కోసి ఉడికించాలి.
• చాల్లారాక చింతపండు గుజ్జు చేర్చి మెత్తగా రుబ్బాలి.
• ఇప్పుడు కడాయిలో నూనె పోసి రుబ్బుకున్న మిశ్రమాన్ని పాచి వాసనా పోయే వరకు ఫ్రై  చేసుకోవాలి.
• అన్నం ఉడికించి పక్కన పక్కన పెట్టుకోవాలి.. వెడల్పాటి బాణలిలో ఉడికించిన అన్నంలో తగినంత ఉప్పు , టొమా టో గుజ్జు మిశ్రమాన్ని వేసి బాగా కలిపి పక్కన ఉంచాలి.
• బాణలిలో నూనె పోసి వేరుసనగ పప్పు, మినపప్పు, ఆవాలు, ఇంగువ, ఎండుమిర్చి, పసుపు వేసి వేయించాలి.
• తరువాత కరివేపాకు కూడా వేసి వేగాక ఈ తాలింపును టొమాటో గుజ్జు కలిపిన అన్నంలో వేసి కలపాలి. 
• అంతే రుచికరమైన టమాటో రైస్ /టమాటో పులిహోర రెడీ.

తప్పకుండా ప్రయత్నించండి మరియు నచ్చితే దయచేసి ఫాలో అవ్వండి. ఇంకా షేర్ చేయండి.

Also read:  మజ్జిగ వడలు/ dahi vada/ perugu vada